“ CARITA BOROKOKOK “
Dul (8 th) ti Kuningan dianteur indungna megat beus,
Kondektur beus : "Bandung..., Bandung bu?".
Indungna Dul : "Pak punten nya, engke mun dugi
Sumedang, pangbejaankeun ieu budak.
Keonektur : "muhun bu ....., tariiiikkk".
di terminal Cikijing Dul nanya "tos nyampe Sumedang
atawa teu acan mang?".
Kondektur : "teu acan jang... masih jauh
keneh".
Nyampe Majalengka, Dul nanya deui, "tos
nyampe ka Sumedang teu acan mang?".
Kernet. : "acan jang masih jauuuuhh".
Dul bosen tatanya terus. Akhirna kasarean. Bus
terus maju arah ka Bandung. Teu karasa bus lewat Sumedang nyampe Jatinangor.
Kenek poho pesen indungna Dul. Pas inget, kernet langsung ngomong ka supir,
"Duuh kang, kuring asa dosa ka budak eta, bari nunjuk ka si dul nu tibra
sare.
Supir, "kunaon kitu?".
Kenek: "Indungna titip pesen mun nyampe Sumedang
bejaan budak eta".
Sopir, "Wah, kumaha ari silaing Sumedang geus
jauh", Jawab supir, bingung.
Akhirna supir balik deui ka Sumedang jeung menta
persetujuan penumpang nu sejena. Kulantaran si dul masih budak keneh, penumpang
kabehan satuju mobil balik deui ka Sumedang.
Kernet, "jang... hudang geus nyampe
Sumedang"... bari nepakan badan si dul...
Dul ngorejat, "nyampe Sumedang mang" terus si
dul buru buru muka sangu timbel ti indungna, oncom lauk asin sambel... belewek
dahar.
Kernet nanya, "arek turun didieu....?"
"heunteu mang.. kan uing arek ka Bandung, pesen si
ema tadi mun nyampe Sumedang bekel sangu timbel ti ema sina didahar ", jawab
Dul bari ngahuap sanguna.
Kernet, supir, jeung kabeh penumpang ngomong bareng:
"Borokokok pisan ieu budak ... atah adol"
Blogger Comment
Facebook Comment